My RSS Feed

STÓRA BRJÓSTAGJAFAMÁLIÐ

ornsmari@ornsmari.net — 2012-02-27T22:14:27+00:00

Ólafur Ragnar og hin fullkomna óvissa um framboð hans til forseta 5. kjörtímabilið fellur í skuggann af stóra brjóstagjafamálinu því 40 (fjörutíu) konur hyggjast mótmæla framkomu þjóns við móður sem var að gefa barni sínu brjóst. Þær ætla að mæta á Cafe París, sýna fulla samstöðu og gefa brjóst þó svo um misskilnig hafi verið að ræða. Hvað segja börnin um að vera dregin inn í mótmæli?

Trúin í regnbogans litum?

ornsmari@ornsmari.net — 2012-02-14T21:06:02+00:00

Klerkarnir og pretikararnir gefa ekkert eftir og leggja sitt lóð á vogarskálarnar í því að fækka í þjóðkirkjunni. Bolurinn veltir því fyrir sér hvar kærleikurinn er og umburðarlyndið. Og barnatrúin, er það bara eitthvað fyrir ómálga einstaklinga? Takk, þetta er að verða gott. Betel talsmaðurinn og aðrir skoðanabræður hans um samkynhneigð, sem bjóða sig nú fram til biskups ýta bolnum að eyðublaðinu Skráning utan trúfélaga. Það er greinilega ekki páss fyrir liti þarna, bara svart/hvítt.

Bóndadagur

ornsmari@ornsmari.net — 2012-01-20T12:36:17+00:00

Rammíslenskur matur og drykkur í boði fyrir húsbændur þessa lands og væntingar um allt mögulegt rísa hátt.

Salt í grautinn

ornsmari@ornsmari.net — 2012-01-17T11:07:34+00:00

Þetta er nýsköpun í lagi. Nú geta Samtök Iðnaðarins komið báðum upphafsstöfum sínum á saltstaukana og sparað þannig í auglýsingum og félagsmenn notað mismuninn til að kaupa sér salt í grautinn.

Brjóstumkennanlegt

ornsmari@ornsmari.net — 2012-01-11T11:28:07+00:00

Þeirra verður sárt saknað. Blóm og kransar vinsamlega afþakkaðir en þeir sem minnast þeirra er bent á Velferðarráðuneytið. RIP (Rest in Peace)

Gleðileg jól

ornsmari@ornsmari.net — 2011-10-03T09:48:11+00:00

Það er ekki seinna vænna en að kasta jólakveðju á liðið, enda langt komið inn í október. Verst er að vera svona seint á ferðinni, því hætta er á því að jólakveðjan drukkni í Frostrósa- og Jólagesta-Bjögga-tónleika-auglýsingaherferðum. Það er ferlegt að lenda í því.

ÚTRÁSARENGLAR

ornsmari@ornsmari.net — 2010-04-16T21:37:41+00:00

Þegar útrásarvíkingarnir hafa allir flutt lögheimili sitt frá Íslandi er ekki nema sjálfsagt og eðlilegt að þeir verði meðhöndlaðir eins og aðrir í skipulagðri glæpastarfsemi.
Stoppa þá strax í Leifsstöð ef þeir reyna að koma til landsins með almennu flugi, siga á þá öllum miðlum og senda svo í burtu með næstu vél.

JÁ MAÐUR SPYR

ornsmari@ornsmari.net — 2011-01-24T22:24:54+00:00

Hvað er í gangi? Er allur vindur úr Byr?

Toppurinn að vera í teinóttu

ornsmari@ornsmari.net — 2011-01-14T15:16:22+00:00

Þau eru ýmist lang- eða þverröndótt bankamannafötin og nú fær Sigurjón bankastjóri fyrrverandi, nýjan galla og frítt að borða til 25. janúar. Landinn borgar eins og fyrri daginn, en nú með ánægju.

Þveiginn og straujaður

ornsmari@ornsmari.net — 2011-01-13T08:17:57+00:00

Ég dustaði rykið af þessum í tilefni dagsins og viti menn, hann er eins og nýr því bensínlíterinn hefur aldrei hærri á Íslandi – 213 kr. Til hamingu með það og olíufélögin bjóða TVEGGJA KRÓNA AFSLÁTT, er það ekki núll komma eitthvað prósent?. Bolurinn var teiknaður 27. ágúst 2008 rétt fyrir hrun en þá var líterinn að fara í 100 kr. ef ég man rétt og allt varð vitlaust.

Man einhver eftir þessum?

ornsmari@ornsmari.net — 2008-09-24T21:48:01+00:00

Að evra eða ekki evra?

BORÐ

ornsmari@ornsmari.net — 2011-01-11T18:36:44+00:00

20.5.2010 - 20.5.2011

Sýning á verkefninu BORÐ eftir grafísku hönnuðina, Bergþóru Huld Birgisdóttur, Björn Jónsson, Finn Malmquist, Rán Flygenring og Örn Smára Gíslason.
Sýning er samvinnuverkefni Listasafns Íslands, veitingastaðarins Marengs og hönnunarteymisins Hunangs. BORÐIN eru til sýnis og notkunar á veitingastaðnum Marengs.

1 kr. fyrir þanka þína

ornsmari@ornsmari.net — 2011-01-11T16:30:54+00:00

Á Marengs, veitingasölunni á Listasafni Íslands eru nokkur borð eftir nokkra hönnuði að tilstuðlan Hunangs. Þetta er mitt borð, það mætti kalla sannleiksboð eða hreinskilnisborð. Það er gott á tímum þegar krafan er að hafa allt uppi á borðinu. Bara setja 1 kr. í raufina og tala hreint út.

Bara setja 1 kr. í raufina og tala hreint út.

Stolið ljós

ornsmari@ornsmari.net — 2011-01-11T09:01:57+00:00

Stundum verða hlutir til afþvíbara. Þeir leita á mann og maður losnar ekki við þá úr hausnum fyrr en búið er að glíma við þá. Að endurvinna einnota plastmál var skemmtileg tilraun sem getur gengið upp og gefið mismunandi niðurstöðu eftir mismunadi glösum. Hér er vatnsglasaljóskróna sem ég keypti efnið í en það er ódýrara að stela bara glösum af drykkjarstöðvum og hárspennum af gömlum konum.